My naam is Marina van Heerden

Ek het onderwys studeer aan Goudstad Onderwys Kollege. Ek is getroud met Cobus van Heerden en het drie kinders, ‘n dogter en twee seuns. Ek is ook ‘n ouma van drie kleinkinders.

Ek woon tans in Roodepoort, Johannesburg, waarvan ek uit beweeg oor die hele land om mense individueel te bedien en ook onder El-Yasha, waaronder ek staan en bied ook seminare aan,          “El-Yasha” seminare asook “Innerlike Genesing en Vryheid” seminare.

Ek het as graad 6 dogter my hart vir die Here gegee, maar ek het nooit in my kerk geleer dat ek in ‘n verhouding met Hom kan leef nie. Ek het my Bybel gelees, gebid, Sondagskool bygewoon en deur die hele sisteem gegaan en gedink ek is “ok”.

In Junie 1999, toe my lewe uitmekaar val, nooi twee vriendinne my na ‘n vrouekamp en daar leer Vader my van ‘n verhouding met Hom, my huisgesin en ook die mense om my.